Турпыша байрамы

Балаҫ һуғыу – халҡыбыҙҙың боронғо милли шөғөлдәренең береһе. Элек ҡыҙҙы кейәү йортона оҙатҡан саҡта мотлаҡ рәүештә бирнәлек балаҫ һалғандар. Йылдар үтеү менән һуғылған бирнәлек балаҫтар ҙа онотола барған, оҫталар ҙа йылдан-йыл кәмей төшкән.
Шуныһы иғтибарға лайыҡ: һуңғы йылдарҙа халҡыбыҙҙың онотола барған милли шөғөлдәре ҡайтанан яңы һулыш ала, уны өйрәнеүселәр һәм өйрәтеүселәре лә табыла, биҙәкле, аҫалы, буйлы балаҫтарҙы, һуғылған шәлдәрҙе, кейеҙ баҫыуҙы тергеҙеүселәр күбәйә.
Бөгөн Юлдыбай ауылында”Быуаттарҙы ялғай балаҫ ебе”исеме аҫтында “Турпыша-2023” район-ара балаҫ һуғыу оҫталыҡ бәйгеһе үтте.